Qaydalar və şərtlər

1. Müqavilə tərəfinin dəyişdirilməsi

• 1.1. Müqavilə tərəfinin dəyişdirilməsi yalnız Super Optik Tech-in cari abunəçisinin və yeni abunəçinin və ya onların səlahiyyətli nümayəndələrinin bu barədə əvvəlcədən verdiyi yazılı razılığı əsasında, Super Optik Tech-in müvafiq daxili prosedurlarına uyğun olaraq mümkündür.

2. Tarif dəyişikliyi

• 2.1. Tarif dəyişikliyi üçün abunəçi və ya onun səlahiyyətli nümayəndəsi şəxsiyyətini təsdiq edən sənədlə Super Optik Tech-in xidmət mərkəzləri, əlaqə mərkəzi və ya dəstək kanalları vasitəsilə müraciət edə bilər və əməliyyatın icrası şirkətin daxili prosedurlarına uyğun olaraq mümkündür.

3. Ödəniş şərtləri

• 3.1. Xidmət ilkin olaraq Abunəçi tərəfindən ödəniş həyata keçirildikdən sonra aktivləşdirilir və tarifdə müəyyən olunan xidmət haqqı müqabilində aylıq əsasla təmin edilir.
• 3.2. Xidmət haqqı ödənişi xidmət aktivləşdirildiyi gün əsasında hər növbəti ayın müvafiq günü həyata keçirilməlidir (Ödəniş günü).
• 3.3. Xidmət haqqı Ödəniş günündə ödənilmədikdə, 10 (on) təqvim günü ərzində xidmət məhdudlaşdırılmış sürətlə verilə bilər. Ödəniş bu güzəşt müddəti ərzində edilmədikdə xidmətin verilməsi dayandırılır.
• 3.4. Ödəniş güzəşt müddəti ərzində edilərsə, ödəniş günü dəyişməz olaraq qalır. Ödəniş güzəşt müddəti bitdikdən sonra həyata keçirildiyi halda isə ödəniş günü faktiki ödəniş tarixi əsasında müəyyən edilir və xidmətdən bir aylıq istifadə müddəti həmin tarixdən başlayır.

4. Ünvan dəyişikliyi

• 4.1. Ünvan dəyişikliyi əməliyyatı ödənişsiz icra olunur.
• 4.2. Ünvan dəyişikliyi üçün növbəti ödəniş günündən ən azı 5 gün əvvəl abunəçi Super Optik Tech-in əlaqə mərkəzinə, xidmət mərkəzinə və ya rəsmi dəstək kanallarına müraciət edərək tələb olunan zəruri məlumatları təqdim etməlidir. Bu məlumatlara dəyişən ünvanlar, abunəçinin istifadəsində Super Optik Tech tərəfindən təqdim edilmiş son avadanlığın olub-olmaması və digər texniki detallar daxil ola bilər.
• 4.3. Əməliyyatın icrası Super Optik Tech-in daxili prosedurlarına və texniki imkanlarına uyğun olaraq həyata keçirilir.
• 4.4. Abunəçinin cari ünvanında Super Optik Tech tərəfindən təqdim edilmiş son avadanlıq istifadə olunursa və həmin avadanlıq yeni ünvanda da yararlıdırsa, abunəçi bu avadanlığı yeni ünvanda istifadə edə bilər.

5. Texniki dəstək

• 5.1. Super Optik Tech abunəçinin müraciətinə əsasən xidmətdə yaranmış texniki problemlərin mümkün qısa müddət ərzində aradan qaldırılması üçün tədbirlər görür. Abunəçinin xidmətlərdən istifadəsi ilə bağlı yaranmış texniki çətinlik birbaşa Super Optik Tech-in fəaliyyəti nəticəsində yaranarsa, çağırış və tənzimləmə üçün ödəniş tələb olunmur.
• 5.2. Texniki dəstəyin göstərilməsi üçün istifadəçi Super Optik Tech-in əlaqə mərkəzi, xidmət mərkəzləri və ya rəsmi dəstək bölməsi vasitəsilə müraciət edə bilər.
• 5.3. Texniki dəstəyin göstərilməsinə dair sifariş qəbul olunduqdan sonra aparılan araşdırma nəticəsində aşkar edilsə ki, texniki problem abunəçinin səhvi nəticəsində baş verib, texniki heyətin hər çağırışı üçün xidmət haqqı 5 (beş) manat təşkil edir.
• 5.4. Abunəçinin kabel xəttində hər hansı səbəbdən qırılma və ya zədələnmə halları baş veribsə, xəttin bərpası üçün texniki heyətin hər çağırışı üçün xidmət haqqı 10 (on) manat təşkil edir.
• 5.5. Super Optik Tech tərəfindən abunəçinin istifadəsinə verilmiş son avadanlığın təmiri ödənişli qaydada Abunəçinin vəsaiti hesabına həyata keçirilir. Son avadanlığın təmiri mümkün olmadıqda, həmin avadanlıq yenisi ilə əvəz edilmir.

6. Dayandırılmış xidmətin abunəçinin müraciəti əsasında bərpası

• 6.1. Bərpa əməliyyatı üçün abunəçi və ya onun səlahiyyətli nümayəndəsi şəxsiyyətini təsdiq edən sənədlə xidmət mərkəzləri, əlaqə mərkəzi və ya dəstək bölməsi vasitəsilə müraciət edə bilər.
• 6.2. Bərpa əməliyyatı üçün abunəçinin ünvanında texniki dəstəyin göstərilməsinə ehtiyac olmazsa, abunəçi tərəfindən yalnız abunə haqqı ödənildikdən sonra xidmət bərpa edilir.
• 6.3. Bərpa əməliyyatına dair müraciət qəbul olunduqdan sonra aparılan araşdırma nəticəsində aşkar edilsə ki, bərpa əməliyyatı üçün texniki heyət abunəçinin ünvanında müvafiq işlər aparmalıdır, bu halda əməliyyat Super Optik Tech-in cari qaydalarına və texniki imkanlarına uyğun olaraq icra edilir.
• 6.4. Əgər bərpa əməliyyatı abunəçinin ünvanında həyata keçirilirsə, o zaman abunəçi Super Optik Tech-in texniki heyətinə öz şəxsiyyətini təsdiq edən sənədi təqdim etməlidir.
• 6.5. Bərpa əməliyyatı bu barədə müraciət Super Optik Tech-ə daxil olduqdan sonra 2 (iki) iş günü ərzində həyata keçirilir.

7. Müvəqqəti dayandırma

• 7.1. Abunəçi Super Optik Tech tərəfindən təqdim edilən xidmətlərdən istifadəni müvəqqəti olaraq dayandırmaq üçün şəxsiyyətini təsdiq edən sənədlə xidmət mərkəzləri, əlaqə mərkəzi və ya dəstək bölməsi vasitəsilə müraciət edə bilər.
• 7.2. Xidmətlərin müvəqqəti dayandırılma müddəti ən azı 1 (bir) ay, ən çoxu isə 4 ay müddəti üçün ola bilər.
• 7.3. Xidmətlərin müvəqqəti dayandırılması üçün haqq aylıq 1 (bir) manat təşkil edir.

8. Xidmətlərin ləğv edilməsi və avadanlıq qaydaları

• 8.1. Müqaviləyə xitam verildikdə Super Optik Tech tərəfindən Abunəçinin istifadəsinə verilmiş avadanlıqlar, müqaviləyə xitam verilməsi tarixindən sonra 20 (iyirmi) təqvim günü ərzində Abunəçi tərəfindən Super Optik Tech-ə qaytarılmalıdır. Bu öhdəlik pozulduqda, həmin müddət bitdikdən sonrakı 5 (beş) təqvim günü ərzində cədvələ əsasən müəyyən edilmiş məbləğdə cərimə ödənilməlidir. Abunəçi bu öhdəliyi icra etmədikdə, Super Optik Tech qanunvericiliklə nəzərdə tutulmuş hüquqi tədbirlər görmək hüququna malikdir.
• 8.2. Huawei GPON modem, TP-Link dual-band router, HSGQ 2.4 GHz modem, HSGQ dual-band modem və BDCOM dual-band modem abunəçilərə istifadə və ya icarə əsasında təqdim oluna bilər. Müqavilə hər hansı səbəbdən ləğv olunarsa, təqdim edilmiş avadanlıq abunəçi tərəfindən geri qaytarılmalıdır. Avadanlıq geri qaytarılmadıqda və ya istifadəyə yararsız hala gətirildikdə, avadanlığın dəyəri aşağıdakı amortizasiya cədvəlinə uyğun olaraq Super Optik Tech-ə ödənilir.

Qeyd: Abunəçiyə istifadə müddəti ərzində müxtəlif səbəblərdən yenidən istifadə üçün avadanlıq təqdim olunarsa, müqaviləyə xitam verildiyi zaman amortizasiya cədvəlinə uyğun müəyyən edilmiş məbləğin 50 faizi tətbiq olunur. Bu müddət avadanlığın yenidən təqdim edildiyi tarixdən hesablanır.

9. Kampaniyalardan istifadə

• 9.1. Abunəçi eyni zamanda yalnız bir kampaniyanın istifadəçisi ola bilər.
• 9.2. Super Optik Tech tərəfindən müvafiq kampaniyalar çərçivəsində və ya kommersiya strategiyasından irəli gələrək vaxtaşırı abunəçilərə təqdim olunan xüsusi tariflər bir qayda olaraq qoşulmadan sonrakı bir il və ya daha uzun müddət üçün təklif edilir. Bu müddətlərdən sonra münasibətlər həmin anda mövcud olan baza tarifinin şərtləri ilə tənzimlənir.

Avadanlıqlar üzrə amortizasiya cədvəli