1. Ümumi şərtlər
- 1.1. Hazırkı Məxfilik Siyasəti Super Optik Tech-ə məxsus platformanın texniki imkanlarından yararlanan istifadəçilərə aiddir və istifadəçi ilə Super Optik Tech arasında bağlanmış müqavilənin ayrılmaz hissəsi hesab olunur.
- 1.2. Bu Məxfilik Siyasəti istifadəçinin şəxsi məlumatlarının toplanılması, saxlanılması, işlənməsi, istifadəsi və müdafiəsi qaydalarını müəyyən edir.
- 1.3. Platformada istifadəçinin qeydiyyatı, daxil olması və ya xidmətlərin sifarişi zamanı, həmçinin platformadan istifadənin başqa hallarında istifadəçi platformaya öz şəxsi məlumatlarını daxil edir və onların istifadəsinə razılıq verir. Məlumatın toplanması həmçinin platforma üzərindən təqdim edilən sualların cavablandırılması vasitəsilə də həyata keçirilə bilər.
- 1.4. İstifadəçi platformaya özü haqqında şəxsi məlumatların və istənilən başqa informasiyanın yerləşdirilməsi haqqında sərbəst və könüllü qərar verir, həmçinin həmin məlumatların Super Optik Tech tərəfindən işlənməsinə və ya işlənməsi üçün üçüncü şəxslərə ötürülməsinə razılıq verir.
- 1.5. Şəxsi məlumatların işlənməsi dedikdə toplanma, saxlanma, istifadə, qorunma, məhdud paylaşma və zəruri hallarda məhv edilmə kimi hərəkətlərin məcmusu başa düşülür.
- 1.6. Şəxsi məlumatların işlənməsinin məqsədləri aşağıdakılardır:
- 1.6.1. Platformanın fəaliyyətinin yaxşılaşdırılması üçün statistik və analitik məlumatların alınması.
- 1.6.2. Platformada göstərilən xidmət növlərinin artırılması və Super Optik Tech-in fəaliyyət dairəsinin genişləndirilməsi.
- 1.6.3. Platforma və ya üçüncü şəxslərin informasiya və ya reklam xarakterli xəbərlərinin alınması, o cümlədən yeni imkanlar, kampaniyalar və digər yeniliklər barədə xəbərdarlıq.
- 1.6.4. İstifadəçilərin və ya üçüncü şəxslərin qanunsuz və ya icazəsiz hərəkətlərinin qarşısının alınması və bu halların aşkarlanması.
- 1.6.5. Qüvvədə olan qanunvericiliyin tələblərinə riayət olunması.
- 1.7. Platforma istifadəçi barəsində aşağıdakı məlumatları toplaya bilər:
- 1.7.1. Platformadan istifadə zamanı Super Optik Tech istifadəçinin daxil etdiyi şəxsi məlumatları platformanın məlumat bazasında toplayır. Belə məlumatlara ad, soyad, telefon nömrəsi, sifarişin verildiyi məkan və ünvan daxil ola bilər. Əgər istifadəçi sosial şəbəkə hesabları vasitəsilə daxil olursa, həmin profil üzərində yerləşdirilmiş və icazə verilmiş məlumatlar da toplana bilər.
- 1.7.2. Platformaya giriş zamanı proqram təminatı tərəfindən avtomatik olaraq texniki xarakterli məlumatlar toplanıla bilər.
- 1.8. Super Optik Tech istifadəçinin irqi və ya etnik mənsubiyyəti, siyasi baxışları, siyasi partiyalara və həmkarlar ittifaqlarına üzvlüyü, məhkumluğu, sağlamlığı, şəxsi həyatı, biometrik və ya genetik məlumatları məqsədli şəkildə toplamır və istifadə etmir.
- 1.9. Super Optik Tech istifadəçilər tərəfindən təqdim edilmiş şəxsi və ya başqa məlumatları, istifadəçinin icazəsi olmadan, həmçinin qanunvericiliklə nəzərdə tutulmuş hallar istisna olmaqla, aidiyyəti olmayan üçüncü şəxslərlə paylaşmır.
- 1.10. Ehtiyac yarandıqda istifadəçi barədə məlumatlar platforma ilə əməkdaşlıq edən və ya Super Optik Tech-ə aidiyyəti olan tərəfdaşlarla paylaşa bilər.
- 1.11. Super Optik Tech istifadəçi tərəfindən təqdim edilən məlumatları satmır və ya icarəyə vermir.
- 1.12. Platforma istifadəçisi digər istifadəçilər barədə əldə etdiyi məlumatlardan yazılı icazə olmadan istifadə etməməyi öhdəsinə götürür. Platformadan istifadə ilə əlaqədar alınmış məlumatlar yalnız müvafiq xidmət və məhsulların təqdim edilməsi üçün tələb olunan hərəkətlərin icrasında istifadə oluna bilər.
- 1.13. İstifadəçi platformadan istifadə prosesində verdiyi şəxsi və başqa məlumatları istənilən vaxt qismən dəyişdirmək, silmək və ya başqa üsulla düzəliş etmək imkanına malikdir.
- 1.14. İstifadəçi göstərdiyi bütün məlumatların düzgünlüyü və dəqiqliyi üçün məsuliyyət daşıyır.
- 1.15. Super Optik Tech istifadəçinin şəxsi məlumatlarına üçüncü şəxslərin icazəsiz girişindən müdafiə üçün ağlabatan təhlükəsizlik tədbirlərini təmin edir.
- 1.16. Platforma vasitəsilə toplanmış və işlənmiş şəxsi məlumatlar bir və ya bir neçə qorunan serverdə saxlanılır. Şəxsi məlumat bazalarına çıxışı olan əməkdaşlarla üçüncü şəxslərə yayılmama barədə daxili məxfilik qaydaları tətbiq edilir.